ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន និង ឯកអគ្គរដ្ឋទូតជប៉ុន ប្រចាំកម្ពុជាលោក MIKAMI Masahiro បានអញ្ជើញចុះហត្ថលេខាលើលិខិតប្ដូរសារ និង ឯកសារពាក់ព័ន្ធស្តីពីការផ្តល់ឥណទានសម្បទាន ដែលមានទឹកប្រាក់សរុប ចំនួន ២០ ប៊ីលានយ៉េន ស្មើនឹងប្រមាណ ១៨៥ លានដុល្លារអាមេរិក សម្រាប់ អនុវត្តគម្រោង «គាំទ្របន្ទាន់ដើម្បីឆ្លើយតបនឹងវិបត្តិជំងឺកូវីដ-១៩» ដំណាក់កាលទី២ នៅកម្ពុជា។

កម្មវិធីនេះត្រូវបានធ្វើឡើងនៅព្រឹកថ្ងៃពុធទី ១២ ខែមករា ឆ្នាំ ២០២២ នៅវិមានសន្ត្តិភាព រាជធានីភ្នំពេញ។

គួរបញ្ជាក់ផងដែរថា ការផ្តល់កម្ចីរបស់ជប៉ុននាពេលនេះជាដំណាក់កាលទី ២ហើយ ខណៈដំណាក់កាលទី១ ត្រូវបានផ្ដល់កម្ចីជាង ២២៧លានដុល្លារ កាលពីអំឡុងឆ្នាំ២០២០។ បើតាមក្រសួងសេដ្ឋកិច្ចនិងហិរញ្ញវត្ថុរាជរដ្ឋាភិបាលកម្ពុជាមិនទាន់បានប្រើប្រាស់កម្ចីនេះនៅឡើយទេ៕